O Partido Popular de Gondomar denuncia que nestes días o Concello procedeu á limpeza das beiras de varios camiños, vertendo os entullos en varios puntos da Comunidade de Montes de Peitieiros, incluso nalgúns nos que existe sinalización que impide a vertedura de calquera tipo de entullo. O Partido Popular considera que as zonas elixidas para a vertedura dos materiais emanados das limpezas das beiras dos camiños non son os máis axeitados, xa que non se garante o respecto do medio ambiente ao non coñecer o contido das verteduras, polo que solicitan do Concello que informen se existe autorización da Comunidade de Montes, así como o informe que garanta que as verteduras se poden facer coas garantías medio ambientais e sen perturbar a zona na que se depositan.
