O ministro de Sanidade, Salvador Illa, anunciou hoxe en rolda de prensa que desde o vindeiro luns xa toda España atópase como mínimo en fase 1. Así, sinalou que o 53% da poboación estará na devandita fase e o resto de España, o 47%, en fase 2.
Illa lanzou unha mensaxe de “felicitación sincera a todas as comunidades autónomas polo gran traballo realizado” e asegurou que “non só estamos a saír senón que o estamos facendo máis fortes”. Ademais, lembrou que a valoración do paso de fase faise en función das solicitudes recibidas que son valoradas en base ás peticións realizadas e consensuadas a través de reunións bilaterais.
O ministro de Sanidade fixo fincapé en que “apostamos polo camiño da prudencia, da cautela e da seguridade”. E insistiu en que “nos guiamos sempre por unha máxima, que o paso sexa seguro”.
As medidas establecidas para os cidadáns que están ou pasarán á fase 2 están publicadas no Boletín Oficial do Estado do pasado 16 de maio e as de fase 1 no de data 9 de maio. Mañá sábado publicaranse, con todo, todas as especificacións concretas respecto a ambas as dúas fases.
TERRITORIOS QUE PASAN Á FASE 1
- Castilla y León: Ávila, Segovia, Soria, Burgos, Palencia, León, Zamora, Salamanca e Valladolid.
- Cataluña: zonas sanitarias de cidade de Barcelona, Metropolitana Sud e Metropolitana Nord.
- Madrid.
TERRITORIOS QUE PASAN Á FASE 2
- Andalucía: Almería, Córdoba, Cádiz, Huelva, Jaén y Sevilla.
- Aragón: Huesca, Zaragoza y Teruel.
- Asturias.
- Islas Baleares: Ibiza, Menorca y Mallorca.
- Canarias: Tenerife, Gran Canaria, Lanzarote, Fuerteventura y La Palma.
- Cantabria.
- Castilla-La Mancha: Guadalajara y Cuenca.
- Cataluña: zonas sanitarias de Camp de Tarragona, Alt Pirineu y Aran y Terres de l’ Ebre.
- Extremadura: Cáceres y Badajoz.
- Galicia: Lugo, A Coruña, Ourense y Pontevedra.
- Murcia.
- Navarra.
- País Vasco: Gipuzkoa, Bizkaia y Araba.
- La Rioja
- Ceuta.
- Melilla.
