A Sociedad Estatal Loterías y Apuestas del Estado informa que este luns, 18 de maio, producirase a reapertura dos terminais de xogo, reiniciándose a comercialización dos seus produtos nos puntos de venda habilitados para abrir en fases 0 e 1 (e por suposto, os que pasasen a fase 2) da desescalada.
Iniciada a comercialización de xogos (fóra das Apostas Deportivas Hípicas e Lototurf) a semana do 18 ao 24 de maio, os de Bono Loto e El Gordo de la Primitiva. En canto á Lotería Nacional, en calquera dos seus formatos de comercialización, volverá poñerse á venda o mesmo día 18 de maio e os sorteos renovaranse a partir do 11 de xuño de 2020.
Desde SELAE lembran que os resgardos e décimos premiados cuxo período de cobranza caducase durante a vixencia do Estado de Alarma, seguen aínda vixentes e poden cobrarse ao suspenderse o período de caducidade mentres duren as medidas recollidas no Real Decreto 463/2020, do 14 de marzo, que declarou o Estado de Alarma.
En canto á xestión de Lotería Nacional preimpresa, aqueles puntos de venda integrais que devolveron por terminal billetes e décimos dos sorteos 23 e 24 de 2020, poderán reactivalos e poñelos á venda, a condición de que non estean tradeados. Os billetes e décimos que si estean tradeados non son válidos para a venda, peros os puntos afectados poderán solicitar novos pedidos de Lotería Nacional para calquera dos dous sorteos.
O servizo de valixa das Delegacións Comerciais non se restablecerá ata a semana do 1 de xuño. O seu reinicio realizarase seguindo escrupulosamente as medidas de seguridade e hixiene establecidas polas autoridades sanitarias. Se calquera punto de venda necesitase consumibles, deberá comunicalo á súa Delegación Comercial, quen llo entregará a través dun envío especial. Calquera visita ás Delegacións Comerciais deberá realizarse con cita previa.
A partir do luns 18 de maio as Delegacións Comerciais proporcionarán, mediante envíos especiais, elementos de sinalización de chan para indicar a distancia de seguridade que deberán observar os clientes nos puntos de venda xunto coas medidas de seguridade e hixiene remitidas anteriormente.
Por último, desde a Sociedad Estatal Loterías y Apuestas del Estado queren reiterar o seu desexo de que a pandemia non tivese incidencia na saúde dos seus colaboradores, familiares e achegados, e transmitir a súa solidariedade e desexo de pronta recuperación para todos aqueles a os que afectase.
