O Concello de Baiona informa que dende mañá 13 de maio o punto limpo retoma a súa actividade. As instalacións estarán abertas os luns, mércores, venres e sábados de 10:00 a 14:00 horas. Os mércores tamén permanecerán operativas de 16:00 a 20:00 horas.
Só se admiten os residuos de orixe doméstico, como poda e xardinería, aerosoles, papel e cartón, aceites de cociña, electrodomésticos, escombros, baterías, pilas, aceites de motor e filtros, madeiras de mobles, envases de pinturas, téxtil, radiografías, aparellos eléctricos e electrónicos, vidros, envases, pinturas e disolventes, chatarra metálica, pneumáticos, tóner e cartucho de tinta, voluminosos, plásticos e PVC, envases baleiros contaminados e fluorescentes e lámpadas de baixo consumo.
Non se admiten residuos industriais ou comerciais, orgánicos, explosivos, inflamables ou radioactivos, que conteñan amianto, sen segregar ou identificar, sanitarios, tóxicos e perigosos que non sexan os especificados, que proceden de comisos, agrícolas ou gandeiros, producidos por actividades mineiras ou extractivas, animais mortos ou recipientes voluminosos, metálicos ou plástico que contivesen produtos tóxicos ou perigosos.
Está prohibido tirar lixo fóra das instalacións.
