Tal e como desenvolveuse esta mesma mañá, a subdelegación do Goberno en Pontevedra coordinou a repartición de máscaras para os usuarios do transporte público na provincia. Para iso dispuxéronse case 90 puntos de entrega nos principais nós de transporte como as estacións de ferrocarril ou de autobuses da demarcación pontevedresa.
Mañá martes, a repartición volverá desenvolverse nestes puntos onde se concentra a mobilidade da cidadanía para cumprir coa obrigación do uso de máscaras para asegurar a necesaria distancia física nos desprazamentos colectivos cara aos lugares de traballo. A repartición estenderase desde as 7 ata as 10 da mañá.
Tal como sinalou a subdelegada do Goberno, a repartición está a ser realizada por membros da Garda Civil, Policía Nacional e as dotacións da Policía Local e Protección Civil das diversas localidades.
Maica Larriba lembrou que tal como adiantou onte a delegación de Goberno en Galicia, “o goberno fixo chegar 289.500 unidades a Pontevedra para a repartición á cidadanía nesta fase 0 de desescalada do confinamento sanitario. Neste momento, todos somos responsables para volver á nosa vida cotiá pero evitando riscos innecesarios e cumprindo as limitacións obrigatorias”.
