O Baíña Fútbol Sala segue mantendo moita actividade a pesar do confinamento e tanto a directiva como os seus adestradores e o grupo das Zumbaíñas seguen realizando actividades para manter certa “normalidade”.
O grupo de baile realiza semanalmente vídeos co obxectivo de manter o ánimo de todos os socios, os adestradores continúan realizando adestramentos a través de internet e seguen coas súas xornadas de formación a cargo de David Pérez, director de metodoloxía, e de Daniel Álvarez, coordinador deportivo, coa novidade esta semana que conectarán directamente con dous adestradores de primeiro nivel como son Diego Ríos (Levante) e Adri Martiño (Vamar Formación).
A directiva, ademais de estar moi atenta a todas as datas de relevancia para conmemorar, celebrará o día do libro cun concurso de relatos e debuxo.
