O xogador de bolos Jose Villamarín, do club de bolos San Vicente de Mañufe, faleceu este venres aos 65 anos de idade tras unha longa enfermidade. Este xogador fora galardoado na Gala do Deporte do Concello de Gondomar do ano 2018, como mellor xogador da especialidade de bolo celta.
Foi socio fundador do club de bolos Mañufe, alá polo ano 1978. Entre os seus logros deportivos posúe tres subcampionatos de España individual de bolos celta.
O enterro terá lugar mañá, sábado 18 de abril, ás 17:00 horas no cemiterio de Mañufe, na máis estrita intimidade, debido as restricións impostas pola pandemia do coronavirus.
Dende a Federación Galega de Bolos queren enviar as súas condolencias á familia, compañeiros do club de bolos San Vicente de Mañufe e amigos do falecido.
