A Policía Local aplaude aos sanitarios dos centros de saúde do Val Miñor

Axentes das Policías Locais de Baiona, Gondomar e Nigrán renderon esta mañá unha homenaxe aos profesionais sanitarios dos centros de saúde da comarca. Patrullas dos tres concellos achegáronse ata os centros de saúde de Gondomar, Baiona, Panxón e A Xunqueira para agradecer o gran esforzo que médicos, enfermeiras, técnicos de emerxencias sanitarias e o resto de persoal están a facer na atención dos veciños e veciñas, así como no control das medidas de cumprimento do estado de alarma sanitaria.