Considerando o establecido no Real Decreto polo que se declara o estado de alarma para a xestión da situación grave e excepcional de crise sanitaria ocasionada polo Coronavirus COVID 19, e para dar cumprimento ás medidas de carácter excepcional do mesmo, Loterías e Apostas do Estado comunica o seguinte:
• Desde hoxe 15 de marzo de 2020 a comercialización, e o pago de premios inferiores a 2.000€ dos seus xogos nos puntos de venda habituais, así como a venda online dos mesmos, queda suspendida.
• Todos os sorteos desde o correspondente ao luns 16 de marzo de 2020 aprázanse ata data a determinar na que sexa posible a súa celebración. Todos os décimos e resgardos vendidos a través de calquera canle seguirán sendo VÁLIDOS para os mesmos sorteos na data en que finalmente se celebren.
• Consecuentemente, os décimos e resgardos obtidos para os sorteos obxecto de aprazamento deben conservarse ata a celebración dos mesmos.
• Os sorteos de Euromillones e o Millón dos días 17 e 20 de marzo de 2020 celebraranse con normalidade coa participación dos resgardos vendidos ata a data.
• As datas de caducidade de premios que coincidan co período de suspensión dos servizos, queda igualmente suspendida durante a vixencia das medidas recollidas no Real Decreto. Ao termo da vixencia do mesmo renovaranse os prazos de caducidade que quedaban pendentes á data da suspensión.
• Os premios superiores a 2.000€, procedentes de resgardos obtidos nos establecementos físicos da rede, poderán seguir cobrándose naquelas sucursais das entidades financeiras que se manteñan abertas. Con todo, posto que o período de caducidade dos premios estará igualmente suspendido, SELAE recomenda non acudir por este particular ás entidades financeiras ata o fin do período de vixencia do decreto.
• No caso da súa páxina web http://www.loteriasyapuestas.es, si será posible a descarga da lotobolsa de cada usuario.
• Todas estas medidas manteranse en vigor durante o prazo de vixencia do Real Decreto.
“Lamentamos as molestias que todas estas decisións poidan ocasionar, pero dada a gravidade da problemática de saúde pública exposta, debemos aliñarnos cos esforzos de toda a sociedade por protexer o ben primordial da saúde. Agradecemos a vosa comprensión, esforzo e solidariedade”, sinalan desde Loterías do Estado.
