Tras o éxito do ano pasado, a Concellería de Cultura de Baiona decidiu adiantar de novo a celebración do Entroido, debido á proximidade coa festa da Arribada, que terá lugar os días 28 e 29 de febreiro e 1 de marzo. O desfile-concurso de comparsas trasladarase ao domingo 16 de febreiro, con saída desde a praia de Santa Marta ás 17:00 horas e finalizando no centro da vila.
O prazo de presentación de solicitudes de participación aínda está pechado, pendente da publicación do extracto da convocatoria no BOP da provincia de Pontevedra. As inscricións serán por rigoroso orde de rexistro de entrada. Baiona convértese así nun dos primeiros municipios galegos en festexar o Entroido.
