O departamento de Servizos Sociais do Concello de Nigrán informa que está aberto o prazo para solicitar o Programa de Termalismo Social do IMSERSO. Poderán ser beneficiarios deste programa as persoas maiores de 60 anos ou pensionistas con 55 anos cumpridos.
As persoas que desexen participar deberán dirixirse ao departamento de Servizos Sociais os martes e xoves previa cita chamando ao 986 365 000.
O modelo de solicitude está dispoñible no departamento de Servizos Sociais Nigrán e o prazo para presentalo finaliza o 8 de xaneiro para as persoas que queiran desfrutar do programa de termalismo para os meses de febreiro a agosto. Aqueles que queiran participar do programa entre setembro e decembro de 2020 terán de prazo para anotarse ata o 12 de maio.
