O vindeiro venres 8 de novembro ás 18:00 horas terá lugar na Biblioteca Municipal de Baiona un contacontos de igualdade dirixido a público familiar e recomendable a partir de catro anos, que correrá a cargo de Paula Carballeira, baixo o título “Elas tres”.
A actividade é gratuíta e enmárcase no Programa “Novembro Lila” deseñado pola Concellería de Igualdade que coordina Yasmina Costas Moreira, que inclúe entre outras actividades contacontos os venres ao longo de todo o mes de novembro na biblioteca, co obxectivo de promover valores igualitarios e previr a violencia de xénero.
