Dobrete para Ricardo Buba (Coruxo) na primeira fin de semana da Copa de España de Ciclocrós. Llodio deu este sábado o bandeirazo de saída á Copa de España de Ciclocrós e no circuíto alavés o gondomareño subiu ao máis alto do podio, impoñéndose nos cadetes. O líder da Copa Galicia cadete prolongou a súa condición de invicto ao certame estatal. Ricardo Buba venceu con dous segundos de vantaxe sobre Pau Martí (Monxent) e do terceiro clasificado, Raúl Mira (Sonido-Energim), distanciouse en 8″.
Xa o domingo, repetiu en Elorrio o triunfo acadado o día anterior en Llodio. Do mesmo xeito que na xornada inaugural do certame estatal, a carreira cadete mantivo a emoción ata os metros finais. Ricardo Buba impúxose desta vez por dous segundos de vantaxe a Pau Martí (Moixent) e por 4″, a Raúl Mira (Sonido-Energim). O podio foi idéntico ao de Llodio. A Copa de España descansa a vindeira fin de semana, con dobre cita na Copa Galicia, e regresará o 10 de novembro no Ciclocross Internacional de Karrantza.
