O Club ATV Distrito XVIII e a Concellería de Medio Rural de Baiona organizan este sábado 19 de outubro a V Xuntanza Discapaci-quad Val Miñor. Máis de 100 persoas con discapacidade participarán neste encontro no que poderán gozar dun roteiro en quads e boggie por un percorrido de máis de 2,5 quilómetros. As actividades comezarán ás 10:00 da mañá e acabarán ás 18:00 horas na contorna do Pavillón Municipal de Deportes de Baiona. Contarán coa participación dos membros de Cogami, Centro Juan María, San Rafael, San Xerome, San Francisco, Apamp, Esclavas de Mos, Alento, Vontade, Aspanaex, Encaixamos e Seis do Nadal.
