Inscricións abertas para participar no Torneo de Veteranos do Baíña FS

O Baíña Fútbol Sala, en colaboración co Concello de Baiona, organiza os próximos días 31 de agosto e 1 de setembro un Torneo de Fútbol Sala para Veteranos no Pavillón Municipal de Deportes da Real Vila. Poderán participar xogadores de 30 anos ou máis. A competición contará con árbitros e seguro, cun custe de inscrición de 50 euros por equipo. Os interesados poden anotarse no teléfono 620 301 515 (Lorenzo) antes do 20 de agosto.