Alejandro Sanz gozou este venres dunha xornada de descanso en Baiona acompañado da súa filla Manuela, que está a piques de cumprir 18 anos, froito do seu matrimonio coa modelo mexicana Jaydy Michel. O cantante madrileño publicou nas redes sociais unha foto xunto á moza nas murallas da Fortaleza de Monterreal, acompañada do texto “Pureza idílica. Galicia non ten outro nome”.
Alejandro Sanz iniciou o pasado 1 de xuño #LaGira española no Estadio Benito Villamarín de Sevilla, na que presenta os seus grandes éxitos e os novos temas incluídos en #ELDISCO. Así durante os meses de xuño e xullo Sanz está a percorrer o territorio cun enorme espectáculo concibido para grandes recintos, este sábado no Monte do Gozo de Santiago de Compostela.
Tras o seu paso por España, #LaGira iniciará o seu percorrido internacional cunha primeira parada en Estados Unidos (Chicago, New York, Orlando, Miami, Dallas, El Paso, McAllen, Houston,San Diego, Los Ángeles, Phoenix e San José) para continuar en México.
#ELDISCO
#ELDISCO contén un total de 10 temas, e conta coas colaboracións de Camila Cabello (Mi Persona Favorita), Nicky Jam (Back In The City), Residente (Los Lugares) e a cantautora catalá Judit Neddermann (Este Segundo). Ademais, inclúe unha versión alternativa da canción Te Canto Un Son realizada en mestura binaural, a revolucionaria tecnoloxía de audio estéreo que xera unha sensación de espazo e dinamismo sen precedentes.
