Festas na honra do Santísimo Cristo da Vitoria en Chandebrito

FOTO: ALBERTO RODRÍGUEZ // Procesión do Santísimo Cristo da Vitoria en Chandebrito.

A parroquia nigranesa de Chandebrito celebra esta fin de semana as súas festas patronais na honra do Santísimo Cristo da Vitoria. O sábado 8 de xuño ás 10:30 da mañá fará entrada no Torreiro Vello de Festas a charanga Va K Pinta. Ás 11:00 celebrarase a Misa Solemne na honra de San Antonio seguida de procesión. Ao finalizar darán comezo as tradicionais “poxas”, e despois actuará la charanga Va K Pinta. Ás 22:30 horas a verbena estará amenizada polo Grupo Limón, con inchable e touro mecánico. O domingo 9 ás 11:00 da mañá a Banda Instrumental Unión Musical de Coruxo ofrecerá un pasarrúas, para facer entrada no Torreiro Vello ás 11:30. Ás 12:00 do mediodía comezará a Misa Maior na honra do Santísimo Cristo da Vitoria, cantada pola Coral da Parroquia “Os Vagalumes”, seguida de procesión. Finalizados os actos relixiosos, haberá un concerto da Banda de Música.