Nigrán Decide finaliza a súa campaña electoral este venres 24 de maio, ás 20:30 horas, no Auditorio Municipal cun acto no que contará coa actuación musical de Tonichi e Pacheco. Esta campaña electoral iniciouse en Priegue, o 30 de abril, co acto público de presentación da candidatura, e continuou cunha rolda de charlas coa veciñanza de todas as parroquias de Nigrán, coa explicación do seu programa.
“Nestes actos debateuse en todas as parroquias sobre as problemáticas existentes, sendo recollidas por parte das persoas candidatas de Nigrán Decide as inquedanzas da veciñanza”, sinala José Cuevas, candidato á alcaldía de Nigrán, para continuar sinalando que “o esforzo de achegarse á veciñanza pagou a pena, pois así somos máis coñecedores da realidade de Nigrán”.
