Xa inaugurada a campaña electoral coa tradicional pegada de carteis na noite de onte, o candidato popular á alcaldía de Nigrán, Carlos Abal, arranca a campaña electoral cun mitin en Vilariño, no CEIP Carlos Casares, este sábado 11 de maio a partir das 20:00 horas. Na súa intervención, o candidato popular presentará aos veciños da parroquia de San Pedro a súa candidatura e as súas propostas de goberno, tanto a nivel municipal como a nivel parroquia.
Nos próximos 15 días, os populares celebrarán oito charlas informativas nas sete parroquias do municipio. As próximas citas serán o luns 13, no Centro Cultural de Parada, e o martes 14 na Asociación de Veciños O Castro de Chandebrito.
