Mañá venres 10 de maio o Conservatorio Municipal de Gondomar ofrece a terceira conferencia do ciclo «A (de)construción das grandes personaxes femininas desde a música, o mito e a historia». Nesta ocasión o doutor en Etnomusicoloxía Roberto Relova falará sobre personaxes femininas na obras de Donizetti, Verdi ou Tchaikovsky entre outros, baixo o epígrafe de «Mulleres e Poder». A conferencia celebrarase ás 19:00 horas na Aula 2 do Conservatorio de Música de Gondomar, situado no Auditorio Lois Tobío. Esta actividade está organizada pola Concellería de Cultura, dirixida por Nuria Lameiro, e cofinanciada pola Deputación de Pontevedra. Entrada gratuíta e para todos os públicos.
Terceira conferencia de Roberto Relova no Conservatorio de Gondomar
