125 escolares inscritos no IX Campionato de Natación do Val Miñor

Este domingo día 31 de marzo celébrase nas instalacións da Piscina Mancomunada da Ramallosa a novena edición do Campionato Escolar de Natación do Val Miñor, organizado pola Concellería de Deportes do Concello de Baiona en colaboración coa Secretaría Xeral para o Deporte da Xunta de Galicia, a Mancomunidade do Val Miñor e Serviocio, dentro do programa Xogade da Xunta de Galicia.

O campionato conta cun total de 125 inscritos entre todas as categorías e probas, estando representados colexios e clubs de área metropolitana: Santa Cristina, Ángel de la Guarda, Chano Piñeiro, Escuela Nieto, Párroco Don Camilo, Fontes-Baíña, Oia, Serra-Vincios, IES Escolas Proval, Carlos Casares, Tuy Nº 1, Souto Donas, Cova Terreña, Mallón, Pousa Fontán, Divino Salvador, Belesar, CEIP Da Cruz, Andersen, Arquitecto Palacios, Barrantes, Los Sauces, Ría de Vigo, IES Mos, IES Primero de Marzo, ADA Salvaterra, Humberto Juanes, Estudio, Salesianos Don Bosco e Sabarís. Por categorías, 42 son prebenxamíns, 40 benxamíns, 31 alevíns e 11 infantís.

A competición comezará ás 10:00 da mañá e finalizará ás 13:00 horas coa entrega de medallas e sorteo de agasallos entre os participantes. A organización entregará trofeos conmemorativos aos primeiros clasificados de cada categoría ademais dunha completa merenda para todos os participantes e un gorro por participar da marca Arena, que patrocina o evento.

HORARIO	CLASIFICATORIAS	HORARIO	FINAIS
10.00 H	50 ESPALDA INFANTIL	12.15 H	50 ESPALDA INFANTIL
10.15 H	50 ESPALDA ALEVIN	12.20 H	50 ESPALDA ALEVIN
10.30 H	50 CROLL INFANTIL	12.25 H	50 CROLL INFANTIL
10.45 H	50 CROLL ALEVIN	12.30 H	50 CROLL ALEVIN
11.00 H	25 ESPALDA BENXAMIN	12.35 H	25 ESPALDABENXAMIN
11.30 H	25 ESPALDA PREBENXAMIN	12.40 H	25 ESPALDA PREBENXAMIN
11.45 H	25 CROLL BENXAMIN	12.45 H	25 CROLL BENXAMIN
12.00 H	25 CROLL PREBENXAIMIN	12.50 H	25 CROLL PREBENXAMIN