A Escola de Danza Paradela de Gondomar participou esta fin de semana con 30 das súas alumnas na primeira fase do prestixioso concurso nacional de danza Anaprode 2019, que se celebrou os días 23 e 24 de marzo no Auditorio Abanca de Santiago de Compostela.
Para a maioría foi a primeira vez que participaban neste evento, conseguindo nas seis coreografías presentadas un segundo posto dentro das súas categorías. “A verdade obtiveron uns estupendos resultados pese ao pouco tempo que tiveron para prepararse por mor doutros eventos. Os nenos quedaron satisfeitos, e con ganas de volver repetir. O máis importante que levan é a experiencia”, sinala a súa profesora, Diana González.
Non é a primeira vez que Danza Paradela preséntase a este concurso. Hai dous anos levaron o primeiro premio, clasificándose para o nacional celebrado en Tarragona, e outro ano proclamáronse campioas nacionais en estilo hip hop.
