Membros do moto club Galaicosquad Val Miñor colaboraron este martes na retirada de pneumáticos aparecidos nas ladeiras dos montes de Couso, en Gondomar. “Como non era de fácil acceso, pedíronnos a nós se podiamos sacalos para unha zona na que tivese acceso un camión, para recollelos e levalos para a súa posterior destrución”. Con esta acción, desde o moto club tamén pretenden concienciar á poboación “do que non se debe facer, e de que nós coidamos o monte, non como pensa moita xente”.
