Un grupo de alumnos con discapacidade da Escola de Vela Adaptada do Monte Real Club de Yates participarán mañá mércores na reforestación dun dos terreos afectados polos incendios de 2017 en Baiona, situado na zona da Virxe da Rocha.
A actividade, grazas á cal se plantarán 200 exemplares de especies autóctonas, está impulsada polo Monte Real Club de Yates e enmárcase na iniciativa Eventos con Buen Ambiente Coca Cola. Participarán usuarios do Centro Juan María de Nigrán.
