A Garda Civil de Pontevedra impartirá o mércores día 30 de xaneiro unha charla sobre o acoso escolar no CEIP Souto-Donas de Gondomar. A charla informativa, que comezará ás 11:00 da mañá no marco do “Plan Director para a Convivencia e a Mellora da Seguridade nos Centros Educativos e as súas Contornas”, pretende reforzar a sensibilidade dos mozos para erradicar o acoso escolar.
Os obxectivos do Plan son responder de maneira coordinada e eficaz ás cuestións relacionadas coa seguridade de menores e mozos nos centros escolares e a súa contorna, mellorar o coñecemento dos recursos policiais dispoñibles para a prevención da delincuencia e protección ás vítimas e contribuír a formar aos alumnos no respecto dos dereitos e liberdades fundamentais, e nos valores de dignidade e igualdade entre homes e mulleres.
