Mañufe celebra este domingo 27 de xaneiro o día do seu patrón, San Vicente, e por terceiro ano consecutivo sairán en procesión os catro santos da parroquia. A imaxe de San Andrés sairá da súa capela situada en Nande ás 12:00 do mediodía dirección O Portelo, onde se unirá a de San Sebastián, para dirixirse xuntas ata a igrexa parroquial, onde esperarán San Blas e San Vicente. Tras o encontro, celebrarase a Misa Solemne ás 13:00 horas, seguida da procesión conxunta.
