Conferencia sobre as salinas da Guarda na Casa da Navegación de Baiona

Este venres 11 de xaneiro terá lugar unha nova conferencia da IV edición de Mar de Historias, organizada pola Concellería de Cultura de Baiona. Será ás 20:00 horas no Auditorio da Casa da Navegación, a cargo dos arqueólogos Mar Cortegoso e Brais Currás, que contarán os resultados das investigacións e traballos realizados sobre as salinas romanas localizadas na costa entre A Guarda e Baiona. A entrada é libre ata completar aforamento.