A Garda Civil detivo nas últimas horas a un home de 70 anos de idade na parroquia de Couso, en Gondomar, por supostos abusos sexuais e agresións no ámbito familiar. Segundo informa a TVG, estes abusos puidéronse cometer mesmo con menores de idade e desde hai máis de 30 anos, polo que algúns deles poderían estar prescritos. O septuaxenario foi trasladado este martes ao Xulgado de Instrución Nº 1 de Vigo, onde estaba citado para declarar. Os feitos saíron á luz tras un enterro celebrado a semana pasada no que varias persoas da familia tiveron un enfrontamento e tivo que acudir a Garda Civil.
