Ponte…nas ondas! celebra este venres o Día Internacional do Patrimonio cun acto de entrega de premios do Certame “As imaxes do patrimonio” aos centros educativos de Galicia e do Norte de Portugal na Casa da Cultura de Salvaterra de Miño ás 11:30 horas. Ademais, pon a disposición dos centros educativos unidades didácticas descargables e on line sobre o patrimonio inmaterial galego-portugués.
A imaxe “Casamento da avoa María”, de Martín Vidal Márquez, do IES Terra de Turonio de Gondomar, gañou o 2º premio na categoría Ensino Secundario Obrigatorio / Ensino Secundario. Mostra o casamento dos seus tataravós, María Caeiros e José Cambra, en 1913 (aproximadamente). Os padriños do casamento están aos lados dos noivos. Os noivos ían de negro e é destacado que todos os homes que foron á cerimonia ían con traxe e gravata. Esta foto foi sacada en Peitieiros, no Concello de Gondomar, na casa da noiva, que foi onde se fixo a celebración. O canizo, que está detrás, aínda hoxe se conserva do mesmo xeito, sen cambios. O casamento debeu ser no mes de setembro, cando se sacan as espigas, pois hai restos de follato na eira, diante dos noivos.
Ao acto asistirán representantes do Concello de Salvaterra e da Xunta de Galicia que patrocina o premios e contará coa actuación musical de Cé orquestra pantasma.Ao mesmo tempo este 16 de novembro convocarase a 2ª edición do Certame «As imaxes do patrimonio”.
