Un ano máis arranca a campaña «Cada Niño un Juguete», e un ano máis desde o Val Miñor queren demostrar o compromiso de todos os veciños cunha causa tan bonita como esta. Esta iniciativa está impulsada pola Asociación STOP e INICIATIVA SOCIAL, que axudan a menores en situación de desamparo social. Aínda que o desexable sería que non fixese falta que existise esta campaña, a realidade é que a día de hoxe segue sendo moi necesaria.
A campaña «Cada Niño un Juguete» leva desenvolvéndose desde 2010, e durante estes 8 anos repartiu miles de agasallos na zona de Vigo e a súa área de influencia. O equipo de voluntarios que a forma traballa para levar xoguetes aos fogares que están a pasar un peor momento, para levar un sorriso aos pequenos. Pero todo isto non sería posible sen a solidariedade de todos eses veciños anónimos que buscan na súa casa aqueles xoguetes que menos se usan e que están en bo estado, xoguetes que poden provocar un sorriso na vida doutras persoas.
Os xoguetes pódense doar nos distintos puntos de recollida. Posteriormente son acondicionados no Almacén Central que se situou en Alcabre, para ser entregados ás familias. Desde Kukadas, en Gondomar, súmanse por terceiro ano a esta campaña, que tan boa acollida tivo no Val Miñor nos anos anteriores, e súmase ademais en Nigrán o establecemento «Mister X. El Museo del Tempo». Desde Kukadas aseguran que ver a todas esas persoas, nenos e maiores, entregando os xoguetes, é a mellor parte de traballar en Nadal.
Puntos de recollida no Val Miñor
• Kukadas – R/ Emigrante 6 (Gondomar)
• Mister X. El Museo del Tiempo (Praia de Patos-Nigrán)
Almacén Central
• R/ Veiguiña 32 – Alcabre (Fronte ao Mundo Pirata Park) (Vigo)
Os outros puntos de recollida
• Mercadillo La Casa de la Abuela (Canido-Vigo)
• Bar Florida – Avda. Florida, 115 (Vigo)
• Centro Beysa – R/ Otero Pedrayo, 4. Traviesas (Vigo)
• Chikipandi – Camiño dos Balandros, 2 (Chapela-Redondela)
• Gallaecia Shop – Avda. Fragoso, 66 (Vigo)
• Floristería Xazmín – Avda. Sanjurjo Badía, 45 (Vigo)
• SCDR Helios de Bembrive (Bembrive-Vigo)
• Limpiezas Galaecia – R/ Eugenio Kraff, 6 Bajo (Vigo)
• Peluquería Sara Molares – R/ Martín Echegaray, 6 (Vigo)
• Peluquería Luada – R/ Alonso Ojeda, 13 (Vigo)
• Ondas de Canido – Camping de Canido (Vigo)
• Eltor Motor – R/ Gerardo Campo, 1 (Vigo)
• FAVEC (Federación Veciñal Eduardo Chao) – Praza da Princesa 7-1º (Vigo)
• Papelya – R/ López Mora, 43 (Vigo)
• GB94 Espacio Coworking – Avda. García Barbón, 94 (Vigo)
