O Trail Trans Serra da Groba supera a media década máis vivo que nunca

FOTO: ALBERTO RODRÍGUEZ // Trail Trans Serra da Groba.

O Trail Trans Serra da Groba supera a media década e segue máis vivo que nunca. Ata o momento, e aínda os interesados poden anotarse ata o 30 de outubro, 281 persoas participarán na competición. En concreto, 122 persoas participarán no mini trail (25Km), 118 no trailiño (12km) e 41 no trail (42Km).

O trail exponse novamente como unha carreira por montaña, cunha distancia de 55 Km. No seu trazado, os deportistas poderán poñer a proba os seus dotes atléticos e técnicas nunha contorna ideal para embeberse do espírito da montaña e medirse en limpa competición. Para participar nesta modalidade esíxese correr como mínimo una medio maratón nos últimos 2 anos.

A proba ofrece tamén un mini-trail, introducido na segunda edición, modalidade competitiva cunha distancia aproximada de 25 kms, pensada para que calquera persoa adestrada e afeita a moverse por terreo de montaña, e que poida realizar o percorrido completo, dando oportunidade a que participen deportistas de todos os niveis, desde os que son capaces de completar o percorrido correndo ata os que alternando a carreira e a marcha.

Os corredores que o desexen poderán portear o seu material persoal, alimento e líquido necesarios para superar os distintos percorridos con seguridade, ou tamén poderán facelo nos distintos puntos de avituallamento que a organización pon a disposición dos participantes. Concretamente durante o percorrido do trail dispoñeranse 9 lugares.

O trail celebrarase o vindeiro sábado 3 de novembro. Ten saída e meta no Pavillón Municipal de Deportes, na rúa Dolores Agrelo, tras percorrer as paraxes máis emblemáticas das montañas baionesas. Transcorrerá polas parroquias de Baiona, Baredo, Baíña, Belesar e Santa Cristina da Ramallosa, pasando por pistas forestais, carreiros tradicionais e tramos de asfalto á saída e á chegada a meta.

A proba está aberta a todos os atletas e deportistas con idade mínima de 18 anos (cumpridos o día da proba). O prazo de inscrición permanecerá aberto ata o 30 de outubro. Poderán realizar a súa inscrición vía internet, a través da páxina Web do Concello de Baiona, www.trailserragroba.com, enchendo o formulario habilitado para o efecto e efectuando un ingreso ou transferencia bancaria á conta de ABANCA nº ES23-2080-5015-6131-1002-4243. Os atletas de Portugal que desexen inscribirse, poderán realizar o ingreso na conta do Banco Comercial Portugués, nº PT50-0023-0000-45420339144-94, SWIFT BCOMPTPL. En todos os resgardos de inscrición farase constar o nome e DNI do participante.

Anuncios