Desde o Grupo Serviocio, concesionario da Piscina Mancomunada do Val Miñor, remitiron esta mañá un comunicado aos medios, que reproducimos a continuación.
Grupo Serviocio, como concesionario da Piscina Mancomunada de Val Miñor, quere aclarar informacións e opinións publicadas recentemente en diferentes medios de comunicación e redes sociais, que non se axustan á realidade.
Como é sabido, a reapertura da instalación realizouse o pasado 1 de setembro sen contar co equipamento da sala fitness nin da sala de ciclo, xa que o provedor contratado para a subministración desta maquinaría non cumpriu cos prazos establecidos, atrasando a entrega do equipamento cardiovascular e de ciclo ata o pasado día 10 de setembro e comprometéndose á entrega do equipamento de forza para o próximo día 24 de setembro.
Así mesmo, apareceron diferentes noticias nas que se cuestionaba o investimento comprometido no prego, investimento que non só deu debido cumprimento ao mesmo, e quedou sobradamente acreditada ante a Mancomunidade coa presentación das perceptivas facturas, senón que foi incrementada pola concesionaria con traballos non recollidos nin obrigados no prego. No anexo 1 desagregamos por partida e importe o investimento total executado que ascende a un total de 305.867,69€.
En referencia á suposta redución de actividades no centro deportivo, ás que se referiron nalgúns foros, queremos deixar claro que as actividades planificadas cumpren puntualmente co recollido no prego de contratación, tanto en número como en forma e que, se se viron afectadas nalgún momento, debeuse ao atraso na recepción do equipamento. No anexo 2, pódese observar os persoais de horarios planificadas para setembro de 2018.
En referencia ao suposto incumprimento das “normas hixiénico-sanitarias”, cumprimos de maneira estrita coa normativa vixente, convidando a coñecer a quen o desexe, as analíticas expostas ao público e os libros de control da auga.
Por último, informamos que imos proceder, seguindo ordes da Mancomunidade do Val Miñor, á devolución do importe pago polos días nos que non estivese instalada a totalidade da maquinaria de fitness. Dita devolución producirase descontando o importe resultante da cota do mes de outubro.
Lamentamos profundamente as molestias ocasionadas.
Grupo Serviocio
Anexo 1
Anexo 2
Horarios Actividades
