O Concello de Gondomar, a través da Concellería de Turismo, organiza un verán máis dúas visitas guiadas ao Pazo do Conde os luns 13 e 27 de agosto. O punto de encontro será ás 18:00 horas na Praza do Concello. A actividade, de carácter gratuíto, comprenderá un percorrido guiado desde a vila histórica ao Pazo do Conde, onde se darán a coñecer aspectos relevantes do seu valor patrimonial e da biografía de Diego Sarmiento de Acuña. As prazas son limitadas polo que é necesaria inscrición previa no teléfono 986 38 40 20 en horario de 9:30 a 13:30 e de 16:00 a 18:30 horas.
