O xornalista vigués Manuel Orío Ávila ofrecerá este venres 27 de xullo a conferencia titulada “Carlos III e a Ilustración” na Capitanía Marítima de Baiona. O acto, incluído na programación cultural e de lecer Baiverán 2018, comezará ás 20:30 horas. O relatorio versará sobre a primeira novela de Orío, «Al servicio del Rey Carlos», da Editorial Elvira, obra que aborda a España do século XVIII e a época da Ilustración a través dun personaxe, tenente de fusileiros, que pretende asasinar a Carlos III.
