Este domingo día 22 de xullo terán lugar as “poxas” a San Cristovo na parroquia gondomareña de Couso. Este tradicional evento, que comezará ás 17:00 horas, acompañado polo grupo de Gaitas Novos Aires de Couso, é o preámbulo para celebrar as grandes festas na honra de San Cristovo, que terán lugar o fin de semana do 27, 28 e 29 de xullo.
Os festexos comezarán o venres 27 cunha verbena amenizada pola orquestra Capitol e o Trío Azar.
O sábado 28 ás 12:00 do mediodía comezará a Misa Solemne seguida da procesión dos Avós de Couso, acompañada polo Grupo de Gaitas Novos Aires de Couso. Pola noite, a verbena estará amenizada pola orquestra Saudade e o trío Pros&Ma.
O domingo 29 ás 10:00 da mañá a Banda de Música Unión Musical de Guláns ofrecerá un pasarrúas por Gondomar. Ás 11:30 horas celebrarase a Misa Solemne con posterior procesión na honra de San Cristovo acompañada pola devandita banda, que ofrecerá un concerto ás 22:00 horas.
