O CPA Gondomar celebrou na tarde deste domingo o I Trofeo Conde de Gondomar, un evento deportivo que presentaba a canteira de patinadores e patinadoras coa que conta na actualidade. Nenos e nenas que con moi curta idade progresan diariamente co soño de ser grandes patinadores e seguir os pasos rodados dos seus compañeiros e compañeiras que compiten nacional e internacionalmente. Participaron 140 patinadores de diferentes niveis e clubs e contou coa asistencia do actual Conde de Gondomar, Gonzalo Fernández de Córdoba, que estivo acompañado pola súa esposa Mercedes.
