Gondomar iniciou o sábado as súas festas patronais na honra de San Bieito, que prolongaranse ata o xoves 12 de xullo. A xornada do martes 10 estará dedicada a San Cristovo, patrón dos condutores. O programa comezará cun pasarrúas ás 11:00 da mañá a cargo da charanga Vai de Baile. Ás 12:00 arrancará a caravana automobilística con saída en Couso, e ás 12:30 horas celebrarase a Misa Solemne seguida de procesión acompaña pola mesma charanga. A continuación terá lugar a Bendición dos Coches e pola noite, ás 23:00 horas, a verbena estará amenizada pola orquestra Saudade.
O mércores 12, na honra de San Bieito, ás 11:00 da mañá a Agrupación Musical de Belesar ofrecerá un pasarrúas, e ás 13:00 horas, un concerto. Neste día haberá Misas de mañá cada hora desde as 7:00 ata as 13:00 horas, sendo a Solemne ás 12:00 horas, con posterior procesión. Pola tarde, as Misas serán cada hora desde as 17:30 ata as 21:30 horas. Pola noite, ás 23:00 horas, a verbena estará amenizada pola orquestra Trébol.
O xoves 12, na honra de San Antonio, celebraranse as Poxas ás 18:00 horas, a cargo de Carlos Riveiro. Á mesma hora haberá un pasarrúas a cargo do grupo de gaitas “Novos Aires” de Couso, e ás 20:30 horas comezará a Misa Solemne seguida de procesión. A verbena, que arrancará ás 23:00 horas, correrá a cargo da orquestra Israel.
O 15 de xullo ás 20:30 horas terá lugar a Misa da Gratitude e ofrenda de flores á Virxe do Carme, seguida de procesión.
