O pasado mércores celebrouse na Universidade de Santiago de Compostela (USC) o acto de recoñecemento ao mellor alumnado de Centros de Ensino Medio de Galicia. Entre os homenaxeados estivo o alumno do IES Auga da Laxe de Gondomar Nicolás Yagüe Novoa. A Universidade organiza este acto dentro do programa «A Ponte entre o Ensino Medio e a USC» para os estudantes que superan a nota media de 9 entre o bacharelato e a fase xeral da proba de Avaliación de Bacharelato para Acceso á Universidade (ABAU).
