A Garda Civil investiga penalmente a un veciño de Baiona por un delito de incendio forestal ao ser identificado como suposto autor dunha queima de maleza que supostamente estaba a realizar á marxe da estrada.
Os feitos sucederon sobre as oito da tarde do martes pasado cando a Garda Civil recibe unha alerta informando de que un home atopábase prendendo lume na marxe da estrada ao seu paso pola parroquia de Baredo, no municipio de Baiona.
Ao chegar a patrulla de seguridade cidadá do Posto Principal da Garda Civil de Baiona puido constatar a noticia e á vez comprobouse que, grazas á rápida intervención dos veciños e os servizos de extinción, púidose controlar a situación evitando que se propagase o lume.
As pescudas realizadas levaron á patrulla de seguridade cidadá á inmediata identificación do presunto responsable do conato de incendio, que resultou ser un veciño da zona. Esta persoa recoñeceu que “só tentaba eliminar a maleza” e que “lle pegaba lume ás herbas porque ninguén ía limpar a zona”.
Unha vez identificado notificóuselle a súa condición de investigado como suposto autor dun delito de incendio forestal e deberá comparecer no Xulgado de Instrución de garda de Vigo cando sexa notificado.
