Anuncios
Ticker de novas

Ferido grave un motorista de Gondomar tras impactar contra un vehículo en Melón

Un home de 58 anos veciño de Gondomar, Ángel M.C., resultou ferido de gravidade logo de impactar coa súa motocicleta contra un vehículo, segundo informou a Garda Civil de Ourense. O sinistro tivo lugar ás 11:45 horas deste domingo no quilómetro 601 da estrada N-120, no termo municipal de Melón.

O accidentado pilotaba unha moto CBR-100 e, a consecuencia do impacto, tivo que ser trasladado por Urxencias Sanitarias 061 ao CHUO con feridas de gravidade. Ata o lugar desprazáronse dúas patrullas de motoristas do Destacamento de Tráfico de Ourense e un equipo de atestados que investiga as causas do accidente.

O ocupante do turismo, un Citröen Xantia, José Q.V., de 52 anos e veciño de Ribadavia, resultou ileso.

Anuncios