Unhas 300 persoas acudiron este sábado ás poxas de San Antonio no barrio de Vilariño, na parroquia nigranesa de San Pedro da Ramallosa. A tradicional poxa, a cargo de Carlos Riveiro, recadou un total de 1.400 euros. Pagáronse 5 e 10 euros por melóns e cabazas, 10, 15 ou 20 por botellas de viño, entre 15 e 50 euros por plantas, entre 25 e 40 por brazos de xitano e galos, 35 e 50 euros por dúas caixas sorpresa, e ata 100 por un cordeiro e 105 por un porco.
As poxas de San Antonio recadan 1.400 euros en Vilariño
