«Maxín Teatro» (grupo infantil da Aula de Teatro de Baiona) estrea este sábado 16 de xuño ás 20:30 horas no Auditorio V Centenario a obra «Mort», baseada na novela de Terry Pratchett. Con dramaturxia e dirección de Mónica Sueiro.
As actrices son: Marina Cabral, Daniela Fernández, Ángela González, Ángela Loureiral, Ángela Martínez, Jara Otero e Adriana Rodríguez. Coa pequena colaboración dun dos pais das nenas, Ramón Rodríguez.
A obra ten unha duración de 45 minutos e a entrada é de balde. As nenas que están entre os oito aos 14 anos, levan desde o mes de setembro traballando todos os martes no obradoiro de teatro perante o xogo dramático técnicas que lles serven para dar vida aos personaxes pero tamén para a súa vida cotiá.
