Manuel Fernández e Álex Cid gañan o 52º Rallye Rías Baixas
O Rallye Rías Baixas escribiu un novo nome no seu histórico palmarés, trátase do piloto local Manuel Fernández, co ourensán Alex Cid á súa dereita. Ambos aproveitaron os problemas dos tres principais equipos do certame autonómico, para sumar a vitoria absoluta, que se une ao triunfo dentro do Trofeo Top Ten Pirelli Castrol.
A cuarta cita do certame autonómico estivo marcada polas incidencias durante os dous bucles matinais que impediron a normal celebración de ata tres tramos. Baixo estas condicións tan especiais, Manuel Fernández colocouse como líder co Renault Clio N5, unha posición que non abandonou ata chegar ao parque pechado final, a pesar de sufrir unha incidencia mecánica no último bucle que lle engadiu emoción ao final da proba.
A segunda posición foi para outro piloto de Salceda, Jorge Pérez, que tentou sen éxito sumar a súa primeira vitoria absoluta tendo que conformarse coa segunda posición, a pesar de tentalo durante as catro especiais disputadas pola tarde. Pecharon o podio os irmáns Iglesias, que aos poucos se van atopando máis cómodos co seu Ford Fiesta N5, e que se manteñen no liderado do Trofeo Pirelli Castrol “A” por diante de Jorge Pérez e Adrián Campaña.
No trofeo Pirelli Castrol “B”, a vitoria foi para Javier Estévez, que lograba, ademais, ser o único da súa categoría en meterse dentro dos dez equipos máis rápidos da proba olívica, logrando un meritorio sétimo posto final. Ao piloto do Ford Fiesta R2, acompañárono no podio José Manuel Pazos e José Manuel Rodríguez, segundo e terceiro respectivamente, nun podio totalmente pontevedrés.
RALLYE RÍAS BAIXAS – TROFEO TOP TEN PIRELLI CASTROL “A”
| POS | PILOTO-COPILOTO | VEHÍCULO | TIEMPO |
| 1º | Fernández – Cid | Renault Clio N5 | 49:06.425 |
| 2º | Pérez – Gándara | Renault Clio R3 Maxi | 49:12.465 |
| 3º | Iglesias – Iglesias | Ford Fiesta N5 | 49:52.960 |
| 4º | Fernández – Vidal | Mitsubishi Lancer EVO VIII | 50:41.595 |
| 5º | Campaña – Raido | BMW M3 | 51:23.142 |
| 6º | Borja – Vázquez | Porsche 911 SC | 53:56.703 |
| 7º | González – Rodríguez | Renault Clio Sport | 54:13.830 |
| 8º | Brito – Roby | Mitsubishi Lancer EVO IX | 55:06.760 |
| 9º | Alonso – Enríquez | Seat Ibiza Cupra | 55:17.912 |
| 10º | Borja – González | Peugeot 309 GTI 16V | 57:00.842 |
ASÍ VAI O TROFEO TOP TEN PIRELLI CASTROL “A”
| POS | PILOTO | VEHÍCULO | PUNTOS |
| 1º | Celestino Iglesias | Ford Fiesta N5 | 480 |
| 2º | Jorge Pérez | Renault Clio R3 Maxi | 447 |
| 3º | Adrián Campaña | BMW M3 | 291 |
| 4º | Ricardo Costa | Citroën DS3 R5 | 240 |
| 5º | Manuel Fernández | Renault Clio N5 | 240 |
RALLYE RÍAS BAIXAS – TROFEO TOP TEN PIRELLI CASTROL “B”
| POS | PILOTO-COPILOTO | VEHÍCULO | TIEMPO |
| 1º | Estévez – Gregorio | Ford Fiesta R2 | 51:27.635 |
| 2º | Pazos – Calvo | Ford Fiesta R2 | 52:25.995 |
| 3º | Rodríguez – Rodríguez | Citroën C2 | 52:46.846 |
| 4º | Iglesias – Gómez | Ford Fiesta R2 | 52:59.857 |
| 5º | Domínguez – Mosquera | Peugeot 206 | 54:19.820 |
| 6º | Molinos – Martínez | Citroën Saxo | 55:37.970 |
| 7º | Barreiro – Míguez | Renault Twingo R2 | 1:02:08.884 |
ASÍ VAI O TROFEO TOP TEN PIRELLI CASTROL “B”
| POS | PILOTO | VEHÍCULO | PUNTOS |
| 1º | Álvaro Pérez | Citroën C2 GT | 450 |
| 2º | José M. Pazos | Ford Fiesta R2 | 303 |
| 3º | Abel Pampillón | BMW M3 | 284 |
| 4º | Domingo Molinos | Citroën C2 GT | 273 |
| 5º | Javier Estévez | Ford Fiesta R2 | 240 |
