Brais Gómez Cima, do Club Ciclista Ponteareas, conseguiu este sábado un segundo posto no II Gran Premio Rogelio Acuña Cidade de Pontevedra de ciclismo, organizada polo Club Ciclista Farto e a Federación Galega de Ciclismo.
O baionés ocupou o segundo caixón do podio na categoría júnior, na que resultou vencedor Martín Soutullo Trigo, do Carballo a un Paso. Pechando o podio, César Pico Ferreiros, da Fundación Óscar Pereiro, en terceira posición.
Preto de 400 deportistas de todas as categorías ocuparon o centro da cidade nunha proba que discorreu por un circuíto de 1,7 quilómetros con saída e meta na Praza de España.
