Un centenar de deportistas disputan en Nigrán a final provincial de Dúatlon Escolar

Este domingo celebrouse en Nigrán a final provincial do programa de Dúatlon Escolar do presente ano, coa participación dun cento de deportistas das categorías, prebenxamín, benxamín, alevín, infantil e cadete. A proba, que se desenvolveu na contorna de Praia América, estivo organizada polo Concello de Nigrán xunto co Club Tríatlon Mar de Vigo e a Federación Galega de Tríatlon, contando co patrocinio da Secretaría Xeral para o Deporte.

A saída, boxes e meta situouse na contorna das instalacións deportivas de Gaifar (Panxón). Na proba benxamín os participantes correron 500 metros, fixeron 2 quilómetros en bicicleta e remataron con 250 metros de carreira a pe. En alevín as distancias foron de 1 quilómetro (carreira), 4 quilómetros de bici e 500 metros de carreira a pe; en infantil os duatletas realizaron 1,5 quilómetros de carreira, 6 quilómetros de bicicleta e 750 metros de carreira e en cadete os participantes fixeron 2 quilómetros de carreira a pe, 8 quilómetros de bicicleta e 1 quilómetro de carreira.

O programa de Dúatlon Escolar consta de varias probas locais ou zonais (Santiago, Lugo, Carballo e Maceda), nas que se clasifican os 25 mellores por categoría e sexo para as fases provinciais e aquí lograron o pase ao Galego os 8 primeiros clasificados de cada categoría, ademais dos dous primeiros equipos por categoría e sexo. “Xogade” está desenvolvido pola Secretaría Xeral para o Deporte da Xunta de Galicia, en colaboración coa Federación Galega de Tríatlon.

Os tres primeiros clasificados de cada categoría recibiron medallas como premio.

Prebenxamín

Benxamín

Alevín

Infantil

Cadete

El pase de diapositivas requiere JavaScript.