A Garda Civil investiga a un veciño de Nigrán, E.R.S., de 34 anos de idade, de nacionalidade búlgara, como suposto autor dun delito de falsificación de moeda, por efectuar compras con billetes falsos de 50 euros.
A investigación levada a cabo por efectivos do Posto Principal da Garda Civil de Baiona-Nigrán iniciouse hai varios meses, por mor das denuncias de varios establecementos da zona nos que se detectaron billetes falsos de 50 euros. En dous deles detectan a falsificación do billete e tan só nun chega a efectuar o pago.
As pescudas levaron á identificación e localización desta persoa, que foi investigado penalmente como suposto autor dun delito de falsificación de moeda. As dilixencias foron entregadas no Xulgado de Instrución de Garda nº 6 de Vigo.
A Garda Civil solicita a colaboración cidadá para previr estes delitos xa que ao ser billetes pequenos o prexudicado non adoita denunciar os feitos ante as Forzas e Corpos de Seguridade, o que fai difícil a súa detección e persecución e insiste na necesidade de seguir as tres normas esenciais para descubrir un billete falso: tocar, mirar e virar.
