Anuncios
Ticker de novas

A Garda Civil inspecciona os animais expostos na “Festa da Arribada” de Baiona

A Garda Civil inspeccionou esta mañá as instalacións nas que se aloxan e expoñen os animais domésticos e de natureza silvestre durante a celebración da “Festa da Arribada” que se celebra na localidade de Baiona.

A Patrulla do Servizo de Protección da Natureza (SEPRONA) do Porriño, ademais de comprobar as medidas hixiénico-sanitarias, verificou a documentación individual necesaria dos animais, así como a vixencia dos preceptivos seguros que debe ter a empresa que xestiona este tipo de eventos. Durante a inspección non se detectou ningunha irregularidade.

Esta actuación, levada a cabo polo SEPRONA no marco das súas competencias específicas sobre a protección do medio ambiente e a conservación da natureza, forma parte do amplo despregamento operativo que está a levar a cabo o Posto Principal da Garda Civil de Baiona-Nigrán para garantir o normal desenvolvemento das festas.

2018-03-03 - tumblr_inline_p50ntgLJn21v3fntx_1280

Anuncios