A parroquia gondomareña de Mañufe celebrou este domingo a festividade do seu patrón, San Vicente, cunha procesión na que participaron por segundo ano consecutivo os seus catro santos.
A primeira en saír foi a imaxe de San Andrés, que partiu ás 11:30 da mañá desde a capela do mesmo nome situada no barrio de Nande dirección O Portelo, onde se uniu a de San Sebastián, para dirixirse xuntas ata a igrexa parroquial, onde foron recibidas polo párroco, Juan José González.
Ás 12:30 horas celebrouse a Misa Solemne e, a continuación, saíu a procesión acompañada polo grupo de gaitas Os Romanteleiros de Mañufe, na que ademais de San Andrés e San Sebastián, púidose ver as imaxes de San Blas e San Vicente.
