Dúas persoas falecen no interior dunha furgoneta atrapada polo lume en Chandebrito

FOTO: GALICIA CONFIDENCIAL

Dúas persoas faleceron no interior dunha furgoneta tras verse atrapados na tarde deste domingo polo lume nun incendio forestal que afecta á parroquia de Chandebrito, en Nigrán.

Ata o momento descoñécese a identidade de ambas as dúas persoas e sospéitase que quedaron atrapadas cando tentaban fuxir do incendio que arrasa a parroquia. O seu vehículo foi atopado totalmente calcinado na estrada que une Chandebrito e Vincios. Os equipos de emerxencia non se puideron achegar aínda ata o lugar no que se atopan os cadáveres.

Ata a zona tamén se desprazaron axentes da Policía Local e da Garda Civil.