Este pasado fin de semana celebrouse o Campionato de España de bolo celta de 2ª categoría nas canchas da Casa de Cultura de Camos (Nigrán). Este campionato pechaba os distintos Campionatos de España celebrados durante o mes de setembro, e nel participaron un total de 8 equipos.
Tras unhas disputadísimas fases de clasificación, o equipo de L´Acabose de Tineo (Asturias) proclamouse campión. O equipo subcampión foi Bolos Camos de Camos-Nigrán, mentres que o terceiro clasificado foi Bahinas A de Tineo (Asturias). O equipo San Miguel de Peitieiros de Gondomar terminou como cuarto clasificado.
Ademais destes catro equipos participaron Los Serenos de Asturias (5º), e os galegos Iniciadora (6º), Forcadela (7º) e Ribatra (8º).
Desde a Federación Galega, agradecen o exemplar comportamento deportivo e persoal de todos os xogadores participantes.
